கூட்டு வட்டியின் சக்தி

நிதி மேலாண்மை: நிகர மதிப்பும் கூட்டு வட்டியின் சக்தியும்

இந்த கட்டுரை, நிதி சுதந்திரத்தை அடைவது எப்படி என்பதைப் பற்றியும், நிகர மதிப்பு (Net Worth) மற்றும் கூட்டு வட்டி (Compounding) ஆகிய இரண்டு முக்கியக் கருத்துக்கள்  பற்றியும், தெளிவாக காணலாம்.

நிகர மதிப்பு (Net Worth) என்றால் என்ன?

நிகர மதிப்பு என்பது உங்கள் மொத்தச் சொத்துக்களுக்கும் (Assets) உங்கள் கடன்களுக்கும் (Liabilities) உள்ள வித்தியாசம். அதாவது,உங்களிடம் இருக்கும் பணம், வீடு, முதலீடுகள் போன்ற சொத்துக்களை கணக்கில் எடுத்துக்கொள்ளுங்கள். பிறகு நீங்கள் கொடுக்க வேண்டிய கடன்களை கணக்கிடுங்கள். சொத்துக்களில் இருந்து கடன்களை கழித்தால் வருவதுதான் நெட் வொர்த்.

 “Net Worth = சொத்துகள் (Assets) – கடன்கள் (Liabilities)”.

உங்கள் நிதி நிலையைத் தெரிந்துகொள்ள, ஒவ்வொரு ஆறு மாதங்களுக்கும் அல்லது வருடத்திற்கொரு முறையாவது உங்கள் நிகர மதிப்பைச் சரிபார்க்க வேண்டும்.

நிகர மதிப்பை எப்படி அதிகரிப்பது?

நிதி சுதந்திரத்தை நோக்கிச் செல்ல, சேமிப்பை அதிகப்படுத்துங்கள். தேவையில்லாத செலவுகளை குறையுங்கள். ஒவ்வொரு மாதமும் கொஞ்சமாவது பணம் சேமியுங்கள். கடன்களை அடைத்து விடுங்கள். கடன்கள் குறைய குறைய உங்கள் நெட் வொர்த் அதிகரிக்கும். வருமானத்தை உயர்த்துங்கள். புதிய வழிகளில் பணம் சம்பாதிக்க முயற்சி செய்யுங்கள். பகுதி நேர வேலை செய்யுங்கள். இவ்வாறு, உங்கள் நிகர மதிப்பைத் தொடர்ந்து  ஆண்டுக்குக் குறைந்தபட்சம் 10% வரை  அதிகரிப்பது அவசியம். 

• முதலீடுகள்: உங்கள் நிகர மதிப்பை அதிகரிக்க, பங்குச் சந்தை, ரியல் எஸ்டேட் அல்லது பரஸ்பர நிதி (Mutual Funds) போன்ற முதலீடுகளில் கவனம் செலுத்தலாம்.
•  பிரதான வீட்டைக் கணக்கிடாதிருத்தல்: நீங்கள் வசிக்கும் பிரதான வீட்டை (Primary Residence) உங்கள் நிகர மதிப்பின் சொத்தாகக் கணக்கிடக்  கூடாது.
•  அதிக சொத்து, குறைவான பணம் (Asset Rich, Cash Poor): உங்கள் சொத்துக்கள் அனைத்தும் ரியல் எஸ்டேட் அல்லது தங்கம் போன்ற வருமானம் ஈட்டாத விஷயங்களில் முடங்கிக் கிடக்காமல் பார்த்துக்கொள்ள வேண்டும்.

கூட்டு வட்டியின் (Compounding Power) சக்தி:

நிகர மதிப்பு ஒரு குறிப்பிட்ட அளவை எட்டியதும், கூட்டு வட்டியின் சக்தி வேலை செய்யத் தொடங்கும்.

உங்கள் பணம் உங்களுக்காகவே வேலை செய்யத் தொடங்கும். உதாரணமாக, ஒரு கோடி ரூபாய் (1 Crore) நிகர மதிப்பை அடைவது ஒரு முக்கியமான மைல்கல். இதற்குப் பிறகு, உங்கள் சொத்துக்கள் தானாகவே வளரும்.

சரியான நிதி மேலாண்மை மற்றும் கூட்டு வட்டியின் சக்தியைப் புரிந்துகொள்வதன் மூலம், நிதி ரீதியாகப் பாதுகாப்பான எதிர்காலத்தை அடையலாம்.