சுகன்யா சம்ரித்தி யோஜனா(Sukanya Samriddhi Yojana -SSY)

சுகன்யா சம்ரித்தி யோஜனா (Sukanya Samriddhi Yojana – SSY)

சுகன்யா சம்ரித்தி யோஜனா (Sukanya Samriddhi Yojana – SSY) என்பது இந்திய அரசால் தொடங்கப்பட்ட ஒரு சிறு சேமிப்புத் திட்டமாகும். பெண் குழந்தையின் எதிர்காலத்தைப் பாதுகாக்க பெற்றோர்கள் அல்லது பாதுகாவலர்கள் இந்தத் திட்டத்தின் மூலம்  முதலீடு செய்யலாம். இந்தத் திட்டத்தில் அதிக வட்டி விகிதம் மற்றும் வருமான வரிச் சலுகைகளும் உண்டு. இது பெண் குழந்தைகளின் கல்வி, திருமணம் போன்ற எதிர்கால செலவுகளுக்கு உதவும்.

தொடங்குவது எப்படி?

 சுகன்யா சம்ரித்தி யோஜனா கணக்கை அருகிலுள்ள தபால் நிலையம் அல்லது பொதுத் துறை வங்கிகளில் (உதாரணமாக, SBI, PNB) தொடங்கலாம். கணக்கைத் தொடங்க, 

             1. பெண் குழந்தையின் பிறப்புச் சான்றிதழ்,
             2. பெற்றோரின்/பாதுகாவலரின் அடையாள அட்டை,
             3. முகவரிச் சான்று மற்றும்
             4. புகைப்படம் தேவைப்படும்.

யார் முதலீடு செய்யலாம்?

• ஒரு பெண் குழந்தை பிறந்ததிலிருந்து 10 வயது அடையும் வரை பெற்றோர் அல்லது பாதுகாவலர் இந்த கணக்கைத் தொடங்கலாம்.
• ஒரு குடும்பத்தில் இரண்டு பெண் குழந்தைகளுக்கு மட்டுமே இந்தக் கணக்கைத் தொடங்க முடியும். இரட்டை குழந்தைகள் பிறந்திருந்தால், விதிவிலக்குகள் உண்டு.

முதலீட்டு வரம்பு

• குறைந்தபட்ச முதலீடு: ஒரு நிதியாண்டில் ₹250.
• அதிகபட்ச முதலீடு: ஒரு நிதியாண்டில் ₹1.5 லட்சம்.
  
• நிலையான வட்டி விகிதம்: SSY கணக்கிற்கான வட்டி விகிதங்கள் காலாண்டுக்கு ஒருமுறை அரசால் திருத்தப்படுகின்றன. தற்போது இது 8.2% ஆக உள்ளது.
  
• கூட்டு வட்டி: வட்டி ஆண்டுக்கு ஒருமுறை கணக்கிடப்படுகிறது. இதன் மூலம் உங்கள் முதலீடு காலப்போக்கில் கணிசமாக அதிகரிக்கும்.
• கணக்கீடு: நீங்கள் ஒரு வருடத்திற்கு ₹1.5 லட்சம் முதலீடு செய்தால், 21 வருடங்களுக்குப் பிறகு, முதிர்வு காலத்தில் சுமார் ₹69.23 லட்சம் கிடைக்கும். இதில் உங்கள் முதலீடு ₹22.5 லட்சம், வட்டி வருவாய் சுமார் ₹46.73 லட்சம்.

இழப்பு அபாயம்

இது இந்திய அரசால் ஆதரிக்கப்படும் ஒரு திட்டம் என்பதால், எந்தவிதமான இழப்பு அபாயமும் இல்லை. உங்கள் முதலீட்டிற்கு முழு பாதுகாப்பு உண்டு.

காலம் & வெளியேறும் விருப்பம்

• இந்தக் கணக்கின் முதிர்வு காலம், கணக்கு தொடங்கியதிலிருந்து 21 ஆண்டுகள் ஆகும்.
• கணக்கு தொடங்கப்பட்ட நாளிலிருந்து 15 ஆண்டுகளுக்கு முதலீடு செய்ய வேண்டும்.
• முன்கூட்டியே மூடுதல்: பெண் குழந்தை 18 வயது அடைந்த பிறகு, திருமணத்திற்காக அல்லது உயர்கல்விக்காக கணக்கின் தொகையில் 50% வரை எடுக்கலாம்.
• முதிர்வு: கணக்கு தொடங்கி 21 ஆண்டுகள் நிறைவடைந்த பிறகு அல்லது பெண் குழந்தையின் திருமணத்திற்குப் பிறகு கணக்கை மூடலாம்.

வரி விவரங்கள்

        சுகன்யா சம்ரித்தி யோஜனா என்பது EEE (Exempt-Exempt-Exempt) வகையின் கீழ் வருகிறது.

          முதலீடு: வருமான வரிச் சட்டம் 80C-ன் பழைய வரி முறைக்கு கீழ் வரி விலக்கு உண்டு.

          வட்டி வருவாய்: வருமான வரி விலக்கு உண்டு.

          முதிர்வுத் தொகை: முதிர்வு காலத்தில் கிடைக்கும் மொத்த தொகைக்கும் வருமான வரி       விலக்கு உண்டு.

கூடுதல் முதலீட்டு ஆலோசனை

      ஆபத்தை சரியாக கணக்கிட்டு ஏற்கும் திறன் உள்ளவர்கள் சுகன்யா சம்ரித்தி     யோஜனாவுக்கு பதிலாக மியூச்சுவல் பண்டுகளிலும்  (Mutual Funds) முதலீடு செய்யலாம். 

அதே நேரத்தில், ₹5 கோடி மற்றும் அதற்கு மேற்பட்ட நிதி சொத்துகள் (Financial Assets) கொண்ட முதலீட்டாளர்கள், வரி நன்மைகள் கிடைப்பதை கருத்தில் கொண்டு சுகன்யா சம்ரித்தி யோஜனாவையும் தங்களின் முதலீட்டு திட்டத்தில் சேர்த்துக்கொள்ளலாம்.
இந்த சமநிலை அணுகுமுறை உங்கள் முதலீட்டுக்கு பாதுகாப்பும், வளர்ச்சியும் அளிக்கும்.

சரியான முதலீட்டுத் திட்டத்துடன் நீண்டகால செல்வம் உருவாக்க விரும்புகிறீர்களா?
இப்போதே Dr. A.V. Senthil, CFP உடன்  தொடர்பு கொள்ளுங்கள்.